"Уфимец” клубы фестивалдә ҡатнаша

Өфөлә “Әйҙә уйнарға” фестивале сиктәрендә республиканың иң яҡшы баскетбол командаларының береһе үҙенең мауыҡтырғыс әүҙемлек зонаһын тәҡдим итәсәк.

14 сентябрҙә Совет майҙанында ҙур бала саҡ байрамы башлана. Уның төп сараларының береһе – “Уфимец” баскетбол клубынан дүрт көнлөк марафон. Йәш спортсылар-уҡыусылар спорт турнирында ҡатнашҡан арала, уларҙың ата-әсәләре өсөн “Ни өсөн балаға баскетбол менән шөғөлләнергә кәрәк?” темаһына консультация үтәсәк.

Шулай уҡ сарала Өфө командаһынан бүләктәр ҙә тапшырыла. Кумирҙарың менән фотоға төшөү, уларҙан автограф алыу мөмкинлеге лә була. Ә махсус саҡырылған ҡунаҡ – донъя баскетболы легендаһы, Мюнхен-1972 олимпия чемпионы Иван Иванович Едешко.

Спорт кластеры сиктәрендә шахмат һәм шашка буйынса бер үк ваҡытта уйнау сеанстары үтәсәк, заманса олимпия спорт төрҙәре – брейк-данс, скейтбординг, ойоштороусыларҙан көтөлмәгән сюрприз-сығыштар буласаҡ.

Фестивалдең тулы программаһы менән https://айдаиграть.дети/ һылтанмаһы аша таныша алаһығыҙ.

Фото: Башҡортостан юлдаш телевидениеһы.