Иҫәнғол ауылында Урал аръяғы муниципаль берәмектәре спартакиадаһы үтте. Ярыштарҙа Әбйәлил, Баймаҡ, Бөрйән, Ейәнсура, Йылайыр, Күгәрсен, Учалы, Хәйбулла райондарынан һәм Сибай ҡалаһынан 9 команда ҡатнашты. Спартакиада спорт байрамына әүерелеп, унда ҡатнашыусылар йыл һайын команда рухын, физик сыҙамлығын һәм көсөн, көрәшә һәм еңә белеүен күрһәтә. Ярыш йомғаҡтары буйынса Хәйбулла районы вәкилдәре шахмат, электрон ҡоралдан атыу, дартс, волейбол кеүек дисциплиналарҙа уңышлы сығыш яһаған.