Аҡъяр ауылының Балалар ижады йортонда берекмәләр тәрбиәләнеүселәре өсөн "Йәш Ватанды һаҡлаусылар" квест-уйыны үтте. Балалар командаларға бүленеп, төрлө һынауҙар үтте. Бөтәһе 9 команда булды. Бер һынау – капитандар, ә ҡалғандары командалар өсөн булды. Һөҙөмтәлә "Кристалл" командаһы иң етеҙҙәр тип табылды, икенсе урында - "Шпроттар", "Пуля" командалары, ә почетлы өсөнсөлә - "Бөркөттәр", "Беҙ кадеттар" һәм "Төньяҡ амурҙары" командалары. Ярыштарҙан тыш, балаларҙы самауырҙан тәмле һәм хуш еҫле сәй көтә ине. Балалар ваҡытты күңелле үткәрҙе: күңелле уйындар уйнап, тәмлекәстәр менән һыйланды һәм ыңғай хис-тойғолар алды!