Хәйбулла хоккейсылары һынатманы!

Сибай ҡалаһында Урал аръяғының ауыл командалары араһында тәүге "Серле турнир" асыҡ турниры уҙҙы. Ярыштарҙа Урал аръяғының 6 командаһы ҡатнашты: "Атауҙы", "Асҡар", "Хәлил" (өсөһө лә Әбйәлил районы),  "Тарпан" (Аҡъяр ауылы), "Монасип" (Бөрйән районы) һәм "Атайсал" (Баймаҡ районының Иҫке Сибай ауылы). Командалар 2 төркөмгә бүленде, төркөм этабы ике боҙ майҙансығында үтте. Төркөм этабында командабыҙ 1-се урын яуланы.

Финал этабында, 1-се урын өсөн ныҡышмалы уйында "Атауҙы" командаһынан 8:5 иҫәбе менән еңелеп, беҙҙең команда 2-се урынды алды. Турнирҙың "Иң яҡшы ҡапҡасыһы" тип Алмаз Хәбибуллин танылды. Хәйбулла районы командаһына ауыл командалары араһында үтәсәк зональ ярыштарында уңышлы сығыш яһауҙарын теләйбеҙ!