Төп кубокты "Тарпан" командаһы хоккейсылары яуланы!

Бөгөн Аҡъярҙа муниципаль район хакимиәте башлығының кубогына хоккей буйынса турнир ойошторолдо. Сәмле матчтар һөҙөмтәләре буйынса командалар араһында призлы урындар түбәндәгесә билдәләнде:

1-се урын - "Тарпан" (Аҡъяр);

2-се урын - "Айыуҙар" (Бүребай);

3-сө урын - "Ветеран" (Аҡъяр).

Турнир йомғаҡтары буйынса иң яҡшы уйынсылар билдәләнде. «Иң яҡшы ҡапҡасы» номинацияһында Егор Мордовин, «Иң яҡшы бомбардир» - Әғләм Юлгилдин,  ә «Иң яҡшы һаҡсы» тип Евгений Юнысов  танылды. Рөстәм Ғафаров ("Тарпан"), Виктор Редин ("Айыуҙар") һәм Әлфрид Байғусҡаров ("Ветеран") "Автозвук" магазинының махсус бүләктәре менән билдәләнде.