7 йәшлек Ислам донъя рекордын ҡуйҙы!

Ҡаран-Ҡункаҫ ауылында йәшәгән Зәйнетдиновтарҙың көндәлек тормошонда спорт ҙур урын биләй. Ғаилә башлығы Айгиз Зәйнетдинов көрәш буйынса донъя чемпионы. Урындағы спорт мәктәбендә тренер булып эшләгән оҫта, улдарын да сәләмәт тормош яҡлы, көслө рухлы итеп тәрбиәләргә тырыша. 

Имран менән Исламды рекорд күрһәткестәр менән ҡотларға  Заһир Зәйнетдин да килгән. Билдәле сәхнә оҫтаһы  балаларҙың спортка һөйөүе менән һоҡланып, ғорурлыҡ хистәре менән уртаҡлашҡан. Музыкант әйтеүенсә, сәләмәт тормош һәм физик күнекмәләр  ниндәй генә һөнәр һайлаһаң да шәхси үҫешкә ыңғай йоғонто яһай.

Афарин, Ислам! Был юлы һинең оло еңеүең Гиннестар китабына инер, тип ышанғы килә! Артабан да спортты үҙ итеп, юғары уңыштарға өлгәшергә яҙһын!

Фото һәм текст сығанағы:bash.news