Муниципаль район хакимиәте башлығы Рөстәм Динислам улы үҙ сәхифәһендә һөйөнөслө хәбәр еткерҙе.
--Яңы аҙна шатлыҡлы яңылыҡтан башланды. 2021 йылда Башҡортостан Республикаһы ХХIХ ауыл спорт уйындары һөҙөмтәләре билдәләнде. Беренсе төркөм йомғаҡтары буйынса 42 муниципаль район командалары араһында Хәйбулла районы 2-се урынды яуланы!
Ярыштар 9 спорт төрө буйынса үтте. Был беҙҙең лаптасылар, шашкасылар, шахматсылар, волейболсылар, баскетболсылар, саңғысылар һәм көрәшселәрҙең хаҡлы еңеүе. Спортсыларҙы ҡотлап, тағы ла юғарыраҡ еңеүҙәр һәм ҡаҙаныштар теләйбеҙ”,-- тип яҙҙы ул.