«Аҡбуҙат» ипподромында «Терра Башҡортостан» ат-спорт турнирының дүртенсе миҙгеле башланды. Башҡорт тоҡомло бөтәһе 200 ат иң яҡшыһы исеме өсөн көрәшәсәк.
Финалдың 1/16 өлөшө йомғаҡтары буйынса Хәйбулла жокейҙары Айгиз Тажетдинов менән Илсур Рамазанов финишҡа 1-се урында килде. Ике егет тә киләһе этапта ҡатнашыу мөмкинлегенә эйә булды. Киләһе этапта йәрәбә 30 майҙа үткәрелә. Айгиз менән Илсурҙы 1/8 финалға сығыуҙары менән ҡотлайбыҙ һәм артабан да уңыштар теләйбеҙ!