Башҡортостандан беренсе ҡатын-ҡыҙ - Вероника Зарипова Эверест тауына артылған. 17 майҙа таңғы сәғәт 4-тә планетаның иң бейек нөктәһенә менеп еткән. Вероника әйтеүенсә, ул Рәсәйҙә Эвересты яулаған ун икенсе ҡатын-ҡыҙ икән.
«Башҡортостандан тәүге ҡатын-ҡыҙ - Эверест түбәһендә. Барығыҙҙы ла яратам. Мине дәртләндереп торғанығыҙ өсөн ҙур рәхмәт», – тип яҙҙы сәйәхәтсе социаль селтәрҙә.
Вероника Зарипова тауға Өфө эшҡыуары һәм альпинист Сергей Белкиндан һуң менгән. Хәтерегеҙгә төшөрәбеҙ, Сергей 12 майҙа таңғы 6-ла Эвересҡа артылғайны. 8848 метр бейеклектә ул Башҡортостан флагын ҡаҙап төшкән.
Афарин!