Акцияла ҡатнашыусыларҙы “Нур” йәштәр һәм үҫмерҙәр клубы директоры Илүзә Кәримова сәләмләне.
Әүҙем спортсы, хеҙмәт ветераны Мәрйәм Хәйҙәрова скандинав йөрөүҙең файҙаһы тураһында һөйләне. Бынан тыш, ул скандинав таяҡтар ярҙамында ниндәй күнегеүҙәр эшләп булыуын күрһәтте.
Артабан спортсылар фитнес-тренер Ләйсән Япарова менән флешмобҡа ҡушылды. Акция Аҡъяр урамдары буйлап йәйәүләп йөрөү менән тамамланды.