Йәнтештәр уҡ атыуҙа көс һынашты

Йәнтҽш мәҙәниәт йортонда уҡтан атыу оҫталыҡ дәрҽсҽ һәм бәйгҽһҽ уҙғарылды.
Уҡтан атыу элек халбыҙҙа һунарға йөрөү, яуға барыу ҡоралы булһа, хәҙер беҙҙең өсөн УҠТАН АТЫУ – ул спорттың бер төрө.

Уҡ атыу күңел асыу сараһы ғына түгел, ә милләтте рухи тәрбиәләү, үҫеп килгән быуында үҙ милләтенә, тыуған иленә, тарихына ҡарата һө­йөү уятыу, милли йола­ларҙы тер­ге­ҙеү йәһәтенән етди әмәл. Һәр хәлдә, милли уҡ-һаҙаҡтан атыу йолаһын тергеҙеү, үҙаллы шө­ғөлләнгән уҡсыларҙың оҫталыҡ­тарын камиллаштырыу, уҡ-һаҙаҡ­тың традицион алымдарын өйрәнеү, йәш быуында илһөйәрлек тәрбиәләү йә­һә­тенән ҙур уңыштарға өлгә­шелде, тип ышаныслы әйтергә була..

Тарихы­быҙ­ға күҙ һалғанда, әле X быуат­тарҙа уҡ башҡорттарҙың уҡ-һаҙаҡ, һөң­гө, ҡылыс менән ҡорал­ланған ике меңдән торған һыбайлы ғәскәре Хазар ҡағанаты армия­һында ил сиген һаҡлаған, 1229 йылдарҙа Алтын Урҙаның утыҙ меңләгән ғәскәренә ҡар­шы арыҫ­ландай һуғышып, сиреү­ҙең ҡанаты аҫтында ҡалырға яҙһа ла, Уралын баҫып алырға бирмәгән, Ливон һуғышын, рус-поляк, Ҡырым, рус-швед, рус-төрөк һу­ғыштарын, Хиуа, Азов походтарын, 1812 йыл­ғы Ватан һуғы­шында ат өҫтөндә уҡ-һаҙаҡ менән ҡорал­ланған баш­ҡорттарҙың бе­ренсе­ләрҙән булып Парижды бәреп инеп яулап алғанын, Крәҫтиәндәр, Бөйөк Ватан һуғыш­та­рында илба­ҫарҙар­ҙың пулемет, танкыларына ҡаршы уҡ яуҙырған, ҡылыс менән ҡаршы һыбай сапҡан ҡаһарман олатай­ҙарыбыҙҙы оно­тор­лоҡмо ни?!

Ә бөгөн беҙ “Мәргән уҡсы” ярышы, байрамы менән ошо баш­ҡорт яугирҙә­ренең хәтерен яңырт­тыҡ.