Бер түгел, ике миҙал яуланы!

Рәсәй йыйылма командаһында сығыш яһаған Улана Ходжинова – Ҡалмыҡстандың Элиста ҡалаһынан. Ул үҙенең беренсе тапҡыр Өфөгә килеүе, бындағы тәбиғәттең оҡшауы хаҡында белдерҙе.

"Беҙҙә – далалар, бында – урмандар. "Йәшел сауҡалыҡ" шифаханаһында туҡталдыҡ. Унда ла, бында ла, ғөмүмән, тотош мөхит оҡшай", – тине спортсы ҡыҙ.
Улана бөгөн һәм кисә йәмғеһе ике миҙал яуланы. Кисә ул грэпплингта беренсе булды, бөгөн грэпплинг-ги буйынса ярыштарҙа икенсе урынға сыҡты.

"Ярыштарҙа ҡатнашыуым һәм алтын, көмөш миҙалдар алыуым өсөн шатмын", – тип белдерҙе Улана. Ул үрҙә әйтелгән спорт төрҙәре менән өс йыл элек, атаһы һәм ағайҙарынан күреп, шөғөлләнә башлаған.

Автор фотоһы.