Башҡортостанда өсөнсө балаһы тыуған ғаиләләргә ниндәй ташламалар бар?

 Башҡортостанда балалы ғаиләләргә ярҙам күрһәтелә. Өсөнсө балаһы тыуған ғаиләләргә ҡаралған ташламалар хаҡында һөйләйбеҙ.

 Өсөнсө һәм артабанғы балаларға һалым ташламаһы

Кемгә тейеш: рәсми рәүештә эшкә урынлашҡан хәлдә, ике ата-әсәгә лә.

Күпме: 3000 һум.

Ташламаны юллау тәртибе — ошонда: vk.cc/cFCe86.

 Торлаҡ-коммуналь хужалыҡ хеҙмәттәре өсөн түләүҙе компенсациялау

Кемгә: аҙ тәьмин ителгән күп балалы ғаиләләргә, ғәрип бала булған ғаиләләргә.

Күпме: торлаҡ-коммуналь хужалыҡ хеҙмәттәре өсөн ғәмәлдә тәғәйенләнгән сумманан сығып, шәхсән иҫәпләнә.

Ташламаны нисек юлларға: Республика халыҡҡа социаль ярҙам күрһәтеү үҙәге филиалына (vk.cc/cvVddZ) ғариза менән мөрәжәғәт итергә. Кәрәкле документтар исемлеге — ошонда: vk.cc/cFCeGT. Тулыраҡ мәғлүмәт — ошонда: vk.cc/cFCeMb.

3⃣ Өсөнсө һәм артабанғы балалар өсөн балалар баҡсаһына түләүҙең бер өлөшөн компенсациялау

Кемгә: өсөнсө һәм артабанғы балалары тыуған ғаиләләргә.

Күпме: баҡса өсөн түләү хаҡының – 70 проценты, Махсус хәрби операцияла ҡатнашыусыларҙың балаларына — 100 процент.

Ташламаны нисек юлларға: балалар баҡсаһына барғанда ата-әсәнең береһенең ғаризаһы буйынса.

4⃣ Балалар баҡсаһына сираттан тыш ҡабул итеү

Кемгә ҡаралған: күп балалы бөтә ғаиләләргә

Ташламаны нисек юлларға: балалар баҡсаһы хакимиәтенә ғариза менән мөрәжәғәт итергә.

Башҡортостанда балалы ғаиләләргә ташламалар һәм түләүҙәр тураһында тулыраҡ мәғлүмәт — ошонда: vk.cc/cyqdu9.

#Аңлатабыҙ_Башҡортостан