Әсәлек капиталы менән баланың уҡыуына ғына түгел, ә уҡыу осоронда юғары уҡыу йортоноң йәки колледждың ятағында йәшәгән өсөн дә түләргә мөмкин.Шул уҡ ваҡытта был, мотлаҡ сертификат бирелгән бала студент булырға тейеш, тигәнде аңлатмай. Уның өлкән ағай-апайҙарының студент булыуы ихтимал. Иң мөһиме, сертификат бирелгән балаға 3 йәш тулған, ә өлкән балаларға 25 йәш тулмаған булырға тейеш.
Әсәлек капиталы аҡсаһы менән ятаҡ өсөн түләү маҡсатында ғаризаны өс ысулдың береһе ярҙамында бирергә кәрәк:- Дәүләт хеҙмәттәрендә (vk.cc/cfisX4);
- Күп функциялы үҙәктә;
- Социаль фондтың клиенттар хеҙмәте аша.
Һеҙгә түбәндәге документтар кәрәк буласаҡ:- ҡуртым килешеүе, унда түләүҙең суммаһы һәм ваҡыты күрһәтелгән, шулай уҡ, йәшәү өсөн түләү әсәлек капиталы ярҙамында башҡарыласаҡ, тип билдәләнгән булырға тейеш;
- студенттың дөйөм ятаҡта йәшәүе тураһында колледждан йәки юғары уҡыу йортонан белешмә.
#Аңлатабыҙ_Башҡортостан
