Рәсәй Социаль фондының Башҡортостан Республикаһы буйынса бүлексәһе белгестәре аңлата.
25 йыл эшләгән ир-егеттәр һәм 20 йыл стажы булған ҡатын-ҡыҙҙар, ҡыҫҡартыу йәки компания бөтөрөлөү сәбәпле эштән бушатылһа, ә мәшғүллек үҙәгендә уларға яңы урын тапмаһалар, ике йылға алдан пенсияға сыға ала.
Инвалид балаһын 8 йәшкә тиклем тәрбиәләгән ата-әсәнең береһе: ҡатын – ҡыҙҙар – 50 йәштә, ир-егеттәр 55 йәштә пенсияға сығыу мөмкинлегенә эйә. Страховка стажы, ярашлы рәүештә, 15 һәм 20 йыл булырға тейеш.
Бала саҡтан инвалид баланың опекуны: стаж алдағы осраҡтағы кеүек үк булырға тейеш. Ә пенсияға сығыу йәше опеканың һәр 1,5 йылында бер йылға кәмей. Әммә 5 йылдан артыҡҡа түгел.
Ике һәм унан күберәк бала тапҡан, 20 йылдан кәм булмаған страховка стажы булған һәм:
- кәм тигәндә 12 йыл – Алыҫ Төньяҡта;
- кәм тигәндә 17 йыл - Алыҫ Төньяҡҡа тиңләштерелгән урындарҙа эшләгән 50 йәшкә еткән әсәләр.
5⃣ Биш һәм унан күберәк бала тапҡан, уларҙы 8 йәшкә тиклем тәрбиәләгән 50 йәшлек әсәләр. Шул уҡ ваҡытта 15 йылдан кәм булмаған стаж талап ителә.
Мөһим! Дүрт һәм унан күберәк бала тапҡан, уларҙы һигеҙ йәшкә тиклем тәрбиәләгән ҡатын-ҡыҙҙар өсөн пенсияға сығыу йәше дүрт йылға кәмей. Өс бала тапҡандар өсөн - өс йылға. Ике осраҡта ла 15 йыл стаж кәрәк.
#Аңлатабыҙ_Башҡортостан