Башҡортостанда һуғыш балаларына бер тапҡыр бирелә торған түләүҙәр күләмен арттырырға ниәтләйҙәр. Киләһе йылда, ил Еңеүҙең 80 йыллығын билдәләгән ваҡытта, бюджетҡа тейешле суммалар һалына, тип хәбәр итте республика премьер-министры Андрей Назаров, 7-се саҡырылыш Башҡортостан Дәүләт Йыйылышы депутаттары алдында хөкүмәттең эше тураһында йыллыҡ отчет менән сығыш яһағанда.
Андрей Назаров билдәләүенсә, быға тиклем тапҡыр бирелә торған түләү 1 мең һум ине. Инфляцияны иҫәпкә алып, был сумма мөһимлеген юғалтты.
«Һуғыш балалары киләһе йылда юбилейлы, еңеү йылын финанс яҡтан тойорға тейеш. Хөкүмәт көсөн шуға йүнәлтә», - тине Назаров.
Сығанаҡ:Башинформ.
Фото:Олег Яровиков