Бына исмаһам, ауылдаштар!

Иләс ауылының ҡатын-ҡыҙҙары оло йәштәге ауылдашының хужалыҡ эштәрен үҙ иңенә алған. Улар бергәләшеп, хужабикәнең ҡышҡылыҡҡа алған утынын бер тынала ташып, өйөп тә ҡуйған. Бына шул саҡта күренә лә инде ауылдаштарҙың иңгә-иң терәп йәшәүҙәре. Афарин!

"Бөгөн мәрхәмәтлелек акцияһы сиктәрендә бер төркөм ҡатын-ҡыҙҙар ауылыбыҙҙың хөрмәтле ағинәйе Зөләйхә апай Рәхмәтоваға ярҙамға барҙы һәм уның утынын өйөп бирҙе. Өмә аҙағында Зөләйха апай ҡорбан итенә табынға саҡырҙы. Хәл-әхүәл һөйләшеп, ҡорбан итенән ауыҙ итеп, таралышты ҡатын-ҡыҙҙар.Зөләйха апай рәхмәттәрен әйтеп, изге теләктәрен теләп ҡалды." - тип яҙа иләстәр.