1 сентябрҙән пенсиялар арта

Рәсәйҙең Социаль фондынан хәбәр итеүҙәренсә, был айҙа 2022 йылда эшләгән пенсионерҙарҙың страховка пенсиялары ҡайтанан иҫәпләнә. Был автоматик рәүештә башҡарыла. Пенсионерҙарға бер ниндәй ҙә ғариза яҙырға кәрәкмәй. Түләүҙәрҙе ҡартлыҡ һәм инвалидлыҡ буйынса бөтә пенсия алыусыларға ҡағыласаҡ, улар өсөн эш биреүселәр былтыр страховка иғәнәләре түләгән.

Европа юридик хеҙмәтенең әйҙәүсе юрисы Оксана Красовская 1 сентябрҙән эшен туҡтатҡан өлкән йәштәгеләрҙең индексацияланған пенсия алыуы тураһында һөйләне. 2023 йылдың сентябрендә 80 йәшен тултырған пенсионерҙарға пенсияһына 7567 һум 33 тин күләмендә арттырылған түләү ҡаралған. 2023 йылдың 1 сентябренән инвалидлыҡ буйынса беренсе төркөм билдәләнәсәк инвалидтарға ла яңынан иҫәпләү үткәрелә.

- Билдәләнгән түләүҙе арттырыу бер тапҡыр ҡуйыла. Әгәр кеше беренсе төркөм инвалиды алған һәм уға страховка пенсияһы тәғәйенләнгән икән, уға шунда уҡ арттырыу билдәләнә. 80 йәшкә еткәс, өҫтәмәләр булмаясаҡ. Билдәләнгән түләүҙе арттырыу бер нигеҙ буйынса ғына билдәләнә. Үткән йылдарҙа 80 йәше тулған пенсионерҙар ошо арттырылған түләүҙе ала ла инде, - тип билдәләне Оксана Красовская.

Сығанаҡ:https://shonkar.com/news/y-m-i-t/2023-08-15/1-sentyabr-n-pensiyalar-arta-3389181?utm_source=vk&utm_medium=social&utm_campaign=13743478