Яңы законға ярашлы кемдәр торлаҡ-коммуналь хужалыҡ хеҙмәттәренә ваҡытында түләмәгән өсөн пеняларҙан азат ителә?

Мобилизацияланған граждандар һәм уларҙың ғаиләләре торлаҡ-коммуналь хужалыҡ хеҙмәттәренә ваҡытында түләмәгән өсөн пеняларҙан азат ителә. Рәсәй Президенты Владимир Путин тейешле ҡарарға ҡул ҡуйған.

Документ рәсми хоҡуҡи мәғлүмәт порталында баҫылған.

Закон мобилизация буйынса хәрби хеҙмәт үтеү тураһында контракт төҙөгән граждандарҙың һәм уларҙың ғаилә ағзаларының әлеге контракт ғәмәлдән сыҡҡансы торлаҡҡа һәм коммуналь хеҙмәттәргә, капиталь ремонтҡа иғәнәне ваҡытында түләмәгән өсөн пеня һалмауҙы күҙ уңында тота.

https://bash.bashinform.ru/news/politics/2022-10-07/putin-mobilizatsiyalan-an-ir-egett-r-e-torla-kommunal-huzhaly-buyynsa-penyalar-an-azat-itk-n-zakon-a-ul-uy-y-2981561