Ауылдарҙа почта бүлексәләре биналары ремонтлана

Юғары технологиялар быуатында ла  почта бүлексәһе  әһәмиәтле социаль роль үтәп, халыҡ араһында ҙур ихтыяж менән файҙалана. Бигерәк тә ауыл ерендә был асыҡ сағыла.

Үкенескә күрә, бөгөнгө көндә күп кенә почта бүлексәләре биналары ремонтҡа мохтаж. Мәҫәлән, Өфө ауылы почта бүлексәһе  1980 йылда төҙөлөп, шул ваҡыттан ремонт күргәне юҡ. Почта хеҙмәткәрҙәренә элементар уңайлыҡтар булмаған шарттарҙа эшләргә тура килә.

Подольск ауылы почта бүлексәһе торошо ло яҡшынан түгел. Әлеге ваҡытта федераль аҡсалар иҫәбенә ошо ике ауылдағы объекттарҙа ремонт эштәре тамамлана, шулай уҡ  почта бүлексәләренә яңы йыһаздар һәм ҡорамалдар алынасаҡ.

 "Рәсәй почтаһы" Волга буйы  төбәге директоры Александр Вакуленко һәм БР Федераль почта элемтәһе идаралығы директоры Ленард Шафиҡов менән бергә ремонт эштәре барышын ҡарап сыҡтыҡ. Киләсәктә районда почта элемтәһен яҡшыртыу буйынса артабанғы пландар билдәләнде.

Рустам Шарипов