Әсәйҙәргә хөрмәт мәңгелек

Бөгөн тантаналы шарттарҙа дәүләт наградаларын муниципаль район хакимиәте башлығы Рөстәм Шәрипов тапшырҙы. Был ҡатындарҙың һәр береһе бишәр һәм унан күберәк бала тәрбиәләй. Башҡортостанда биш һәм унан да күберәк бала тәрбиәләгән әсәләрҙе бүләкләү традицияһы 1998 йылда булдырыла. «Әсәлек даны» миҙалы менән бүләкләүгә балаларын тәрбиәләүгә намыҫлы һәм яуаплы ҡараған, сәләмәт йәшәү рәүеше алып барған, балаларҙың һаулығы, белеме, физик, рухи һәм әхлаҡи үҫешеүе тураһында тейешле кимәлдә борсолған, ғаилә институтын нығытыуҙа һәм балалар тәрбиәләүҙә өлгө күрһәткән күп балалы әсәләр тәҡдим ителә.

Күп балалы әсәләргә хөрмәт һәм дәүләт ярҙамы күрһәтеү республика социаль сәйәсәтенең өҫтөн йүнәлештәренең береһе. Рәсәй Президентының Федераль Йыйылышҡа мөрәжәғәтнамәһендә “Демография” милли проектын бойомға ашырыу сиктәрендә әсәләргә айырым иғтибар йүнәлтелде.

#национальныепроекты#нацпроекты
#региональныепроекты#регпроекты#нацпроектыБашкортостан