+22 °С
Болотло
СӘЙӘСӘТ
9 Февраль , 11:56
Республика етәксеһе БДМУ ятағында зыян күргәндәргә ярҙам күрһәтергә ҡушты
Дүшәмбе хөкүмәттең оператив кәңәшмәһендә уҙған аҙнала Өфөнөң 16-сы мәктәбендә һәм БДМУ ятағында булған ғәҙәттән тыш хәлдәрҙән һуң хәүефһеҙлекте тәьмин итеүгә иғтибар бүленде.
Республика етәксеһе БДМУ ятағында зыян күргәндәргә ярҙам күрһәтергә ҡушты
– Һиндостан студенттарына тиҙерәк һауығыуҙарын теләйбеҙ. Биш кеше яраланған. Айрат Рәзиф улы, контролдә тоторға һәм, әлбиттә, тейешле ярҙам күрһәтергә, – тип мөрәжәғәт итте республика етәксеһе һаулыҡ һаҡлау министры Айрат Рәхмәтуллинға.
Бөгөнгө стериль булмаған донъяла нығынып етмәгән балаларҙы гаджеттар аша кире хәл-ваҡиғаларға этәрәләр, тип билдәләне Радий Хәбиров.
– Һаҡты көсәйтергә, беҙгә алдан фаразларға, аңларға кәрәк, – тип билдәләне республика Башлығы. – Ә егеттәрҙе дауаларбыҙ, улар менән аралашырбыҙ. Ғөмүмән, беҙ бөтә милләттәр менән дуҫ һәм татыу йәшәйбеҙ.
