“Бер һайлауҙан да ситтә ҡалғаныбыҙ юҡ. Бөгөн балаларыбыҙ ҙа, ейәндәребеҙ ҙә тауыш биреүҙә ҡатнаша” – ти Аҡъяр ауылынан Хафиз һәм Зөлфиә Мәмбәтовтар

Аҡъяр ауылынан Хафиз һәм Зөлфиә Мәмбәтовтар 3203-сө һайлау участкаһында тауыш бирҙе.

“Бер һайлауҙан да ситтә ҡалғаныбыҙ юҡ. Бөгөн балаларыбыҙ ҙа, ейәндәребеҙ ҙә тауыш биреүҙә ҡатнашты. Һайланасаҡ депутаттар Хәйбулла районында бигерәктә юлдар, экология һәм социаль мәсьәләләргә иғтибар биреүҙәрен теләйбеҙ,” – тигән теләктәрен еткерҙе Хафиз һәм Зөлфиә Мәмбәтовтар.

Хәтерегеҙгә төшөрәбеҙ, бөгөн 10 сентябрҙә Башҡортостан Республикаһының Дәүләт Йыйылышы - Ҡоролтайының етенсе саҡырылыш депутаттарын һәм Хәйбулла районының бөтә 14 ауыл биләмәһе советтары депутаттарын һайлайбыҙ.  Хәйбулла районында 60 һайлау участкаһы урындағы ваҡыт буйынса 21:00 сәғәткә тиклем эшләйәсәк.