Бөгөн төп байрамыбыҙ

Дәүләт Йыйылышы – Ҡоролтай Рәйесе Константин Толкачев Башҡортостан халҡын Республика көнө менән ҡотланы.

– Республика көнө – Башҡортостандың төп дәүләт байрамы. Ул беҙҙең күп милләтле тыуған еребеҙҙә йәшәгән халыҡтар дуҫлығын, берҙәмлеген һәм килешеүсәнлеген сағылдыра.

Яҡшы етештереү һәм интеллектуаль ҡеүәткә эйә булып, Башҡортостан Рәсәй төбәктәре араһында лайыҡлы урын биләй, илебеҙҙең социаль-иҡтисади һәм мәҙәни-рухи үҫешенә ҙур өлөш индерә.

Бөгөн республикала ҙур инвестиция проекттары тормошҡа ашырыла, эҙмә-эҙлекле социаль инфраструктура камиллаша, граждандар йәмғиәте институттары әүҙемлеге артҡандан-арта.

Беҙ лайыҡлы рәүештә республикабыҙҙың бай тарихы, иҡтисади ҡеүәте, үҙенсәлекле мәҙәниәте һәм егәрле халҡы менән лайыҡлы ғорурлана алабыҙ.

Ихлас күңелдән бөтәһенә лә ныҡлы һаулыҡ, именлек һәм барлыҡ яҡшы башланғыстарҙа уңыштар теләйем! – тине Константин Толкачев.

Фото: news.myseldon.com