Илнур Абдуллин – өс һөнәрҙә иң яҡшыһы

Сәғит ауылы егете Илнур Алик улы Аҡъяр училищеһында тракторсы белемен ала. «Башҡорт баҡыры»нда автотранспорт цехында иретеп йәбештереүсе хеҙмәт юлын башлай. Һуңыраҡ тау-технологик ҡорамалдар цехында йөк тейәү машинисы һөнәрен үҙләштерә, ә бер йыл элек ҡеүәтле «БелАЗ» машинаһының руле артына ултыра.

Абдуллиндарҙың тотош хеҙмәт династияһы бар: Илнурҙың атаһы Алик Абдуллин 2020 йылдан шул уҡ цехта бульдозерҙы йөрөтә, ә өлкән ағаһы Нур Абдуллин 2009 йылдан «Volvo» автомобиле водителе булып эшләй.

Илнур Алик улы ысын универсал, уның оҫталығы күп һанлы наградалар менән раҫланған. Ул иретеп йәбештереүселәр араһында «Башҡорт баҡыры» һөнәри оҫталыҡ конкурсында 2-се урынды яуланы. 2024 йылда Свердловск өлкәһе Үрге Пышма ҡалаһында уҙған сәнәғәт предприятиелары хеҙмәткәрҙәре ярыштарында йөк тейәүсе водителе булараҡ еңеү яулай. Күптән түгел, бер йыл ғына руль артында эшләгәндән һуң, «БелАЗ» карьер самосвалдары водителдәренең конкурсында 3-сө урын яулай.

Буш ваҡыттарында Илнур Алик улы балыҡ тотоу менән мауыға. Уның шәхси рекордтары араһында 15 килограмм ауырлыҡтағы суртан бар. Илнур – хәстәрлекле ир һәм өс улдың атаһы. Уның өсөн ғаилә һәм эш бер үк кимәлдә мөһим.

Уның ҙур хыялы – үҙ йортон төҙөү. Илнур Абдуллиндың тормош буйынса девизы: «Ныҡышмалылыҡ һәм хеҙмәт һәр ваҡыт маҡсатты бойомға ашырыуға килтерә».