Айса Ишкилдин - Башҡортостандың атҡаҙанған шахтеры!

Октябрь ер аҫты руднигы эшсеһе Айса Ишкилдин профессиональ эшмәкәрлеген Бүребай тау-байыҡтырыу комбинатында 2001 йылда башлай һәм 20 йылдан ашыу проходчик вазифаһында эшләй. Файҙалы ҡаҙылмалар ятҡылыҡтарын ер аҫты ысулы менән эшкәрткәндә төп һәм иң күп ваҡыт талап иткән эш булып быраулау эштәре тора. 2022 йылдың апреленән Айса Муса улы Октябрь ер аҫты руднигында шартлатыусы булып эшләй.

Эштә юғары етештереү күрһәткестәре һәм профессионализмы өсөн Айса Ишкилдин «Бүребай тау-байыҡтырыу комбинаты» предприятиеһының Почет грамотаһы, Хәйбулла районы хакимиәтенең Почет грамотаһы, Башҡортостан Республикаһы Сәнәғәт Һәм инновацион сәйәсәт министрлығының Почет грамотаһы һәм РФ Сәнәғәт һәм сауҙа министрлығының Почет грамотаһы менән билдәләнде. Бөгөн Айса Муса улы «Башҡортостан Республикаһының атҡаҙанған шахтеры» исеменә лайыҡ булды. Ҡотлайбыҙ!