Иң яҡшы таусылар тәбрикләнде

Элек-электән беҙҙең район үҙенең эшһөйәр, талантлы кешеләре менән дан тота. Улар үҙҙәренең фиҙаҡәр хеҙмәте, ижади инициативаһы, еренә һәм халҡына тоғролоғо менән яҡташтарының ғорурлығы булып тора. Эшсе һөнәрҙәрҙең абруйын күтәреү һәм Хәйбулла районы учреждениеларының, ойошмаларының һәм предприятиеларының иң яҡшы хеҙмәткәрҙәрен дәртләндереү өсөн 2023 йылда йыл һайын үткәрелеүсе «Һөнәре буйынса иң яҡшыһы» муниципаль конкурсы иғлан ителә, унда конкурс комиссияһына 15 номинация буйынса 19 ғариза тапшырыла.

«Иң яҡшы тау сәнәғәте хеҙмәткәре» номинацияһында Баязитов Рәмил Рәшит улы – «Бүребай тау-байыҡтырыу комбинаты» акционерҙар йәмғиәтенең Октябрьский ер аҫты руднигы хеҙмәткәре һәм Труханов Валерий Михайлович – «Башҡорт баҡыры»яуаплылығы сикләнгән йәмғиәтенең бульдозер машинисы еңеүсе булды. Улар дипломдар һәм ҡиммәтле бүләктәр менән билдәләнде.

Тулыраҡ мәҡәләне "Хәйбулла хәбәрҙәре" гәзитенең 7-се һанында уҡығыҙ.