Был аҙнала республикала ауыл хужалығы йәрминкәләре үтәсәк. Унда ит, ярма, һөт, бал һәм урындағы етештереүселәрҙән башҡа төрлө продукция менән сауҙа буласаҡ.
Башҡортостан Башлығы Радий Хәбиров был хаҡта үҙенең сәхифәһендә белдереү яһаған.
- Көндәр сак ҡына йылытһа һатыуға емеш –йәшелсә лә сығарасаҡбыҙ. Ауыл хужалығы йәрминкәләренең һатып алыусылар һәм һатыусылар өсөн дә файҙаһы ҙур. Йәрминкә - гарантия биргән сауҙа урыны, ә кешеләр өсөн экологик таҙа фермер аҙыҡ- түлеген һатып алыу мөмкинлеге. Хаҡтар етди күҙәтеүҙә буласаҡ, улар тешләшмәҫ тип уйлайым. Киләһе ял көндәрендә йәрминкәлә 44 муниципаль район ҡатнашасаҡ, барлығы 56 сауҙа майҙансығы ойошторола, шуларҙың етәүһе Өфөлә буласаҡ, - тигән Радий Фәрит улы.