+23 °С
Болотло
СӘНӘҒӘТ
2 Август 2021, 09:55
Буласаҡ инженерҙар бында тәрбиәләнә
Бүребайҙа инженер-техник йүнәлештәге профилле лагерь тантаналы шарттарҙы ябылды. Аҙна дауамында балалар уйындарҙа, эстафеталарҙа, конкурстарҙа әүҙем ҡатнаштылар, техник йүнәлешәге проекттарҙы тормошҡа ашырҙылар, “Бүребай тау-байыҡтырыу комбинаты” йәмғиәтенең производство объекттарына экскурсияға сыҡтылар.
Буласаҡ инженерҙар бында тәрбиәләнә
АО "Бурибаевский ГОК" сайтында хәбәр итеүенсә, быларҙың барыһы ла Бүребай сәнәғәт предприятиеһының финанс ярҙамы менән тормошҡа ашырылды. Профилле лагерь балаларҙың ҡыҙыҡһыныуҙарын, психологик-йәш үҙенсәлектәрен иҫәпкә алып ойошторолдо. Уйын формаһында малайҙар һәм ҡыҙҙар инженер-техник ижадҡа йүнәлтелгән техник проекттарҙы төҙөү күнекмәләренә өйрәнде.
Производство экскурсиялары, комбинат белгестәре менән осрашып, әңгәмәләшеүҙәр, үҙаллы практик эштәр барышында малайҙар һәм ҡыҙҙар тарафынан бик ҡыҙыҡлы, уникаль һәм социаль-производство әһәмиәтендәге тикшеренеү эштәре тәҡдим ителде.
Шуныһы ҡыуаныслы, профилле лагерь 3-сө йыл рәттән уҙғарылып, традицияға әүерелде. Ә балалар йыл да бында файҙалы ял итеүҙе көтөп алалар.
