Иң яҡшы слесарҙар билдәләнде

«Башҡорт баҡыры» йәмғиәтендә слесарҙар араһында һөнәри оҫталыҡ  конкурсы ойошторолдо. Әйтергә кәрәк, предприятиела йыл дауамында төрлө һөнәрҙәр буйынса бәйгеләр даими уҙғарыла.

Бәйгенең ике этабының һөҙөмтәләре буйынса иң яҡшылар билдәләнде:

1-се урын  – Руслан Мөҙәрисов, автомобиль ремонтлау буйынса 4-се разряд слесары (Асыҡ тау руднигының автотрактор техникаһын ремонтлау буйынса ремонт төркөмө);

 2-се урын – Рәфис Ишйәров, ҡорамалдарҙы хеҙмәтләндереү һәм ремонтлау буйынса 5-се разряд слесары (Шахта өҫтө объекттарын төҙөү һәм хеҙмәтләндереү буйынса участкаһы);

3-сө урын – Байрас Әминев, 5-се разряд слесарь-ремонтсыһы (Байыҡтырыу фабрикаһы ҡорамалдарын ремонтлау буйынса участкаһы).

Еңеүселәр ҡиммәтле бүләктәр, шулай уҡ ағымдағы йыл дауамында һөнәри оҫталығы өсөн өҫтәмә айлыҡ премия  менән бүләкләнде.

фото:«Башҡорт баҡыры» йәмғиәте