Белем һәм һөнәр байрамы!

Был көндө уҡыу йортоноң йәме, ғорурлығы булған студенттарҙы, уларҙы белем үрҙәренә әйҙәгән хөрмәтле уҡытыусыларҙы һәм производствоға өйрәтеү мастарҙарын ҡотларға мәртәбәле ҡунаҡтар йыйылды:

Хәйбулла районы муниципаль районы башлығы — Илмир Ҡотоев; «Башҡорт баҡыры» йәмғиәте вәкиле —Тимур Ҡолбаев; Бүребай тау-байыҡтырыу комбинатының производство-техник бүлек начальнигы Артур Игисурин.

Ҡунаҡтар студенттарға лайыҡлы белем алыу, ә уҡытыусыларға һәм мастерҙарға — үҙ эштәренең оҫталары булып ҡалыу теләктәрен еткерҙе. Колледждың уңыштары — ул тыуған еребеҙҙең, айырыуса Хәйбулла еренең киләсәге.

Байрам сиктәрендә иң яҡшы студенттарға, уҡытыусыларға һәм етәкселәргә Маҡтау ҡағыҙҙары, Рәхмәт хаттары тапшырылды.

 Аҡъяр тау колледжы — ул белем усағы ғына түгел, ә республикабыҙ сәнәғәтенең киләсәк кадрҙарын әҙерләүсе ышаныслы нигеҙ. Бында алынған һөнәр — лайыҡлы хеҙмәт юлының һәм тормош уңышының нигеҙе!

Барығыҙҙы ла байрам менән! Уңыштар, сәләмәтлек һәм яңы үрҙәр!