+12 °С
Облачно
Яңылыҡтар
27 Апреля , 16:53
2025 йылда Башҡортостанда бизнес-шерифтар тарафынан 4 меңдән ашыу эшҡыуарлыҡ
2025 йылда Башҡортостан муниципалитеттарында бизнес-шерифтар дөйөм инвестициялар күләме 227,5 миллиард һумлыҡ 4 меңдән ашыу проектты ҡараған. Был хаҡта республика Башлығы Радий Хәбиров уҙғарған оператив кәңәшмәлә төбәктең эшҡыуарлыҡ һәм туризм министры Светлана Верещагина хәбәр итте.
2025 йылда Башҡортостанда бизнес-шерифтар тарафынан 4 меңдән ашыу эшҡыуарлыҡ
Башҡортостанда Радий Хәбиров башланғысы менән булдырылған бизнес-шерифтар институты алты йылдан ашыу уңышлы эшләй. Уның төп бурыстары – муниципалитеттарҙа уңайлы эшлекле мөхит булдырыу, урындарҙа инвестициялар йәлеп итеү һәм эшҡыуарҙарға ярҙам итеү. Был эште эшҡыуарлыҡ, инвестиция эшмәкәрлеге һәм иҡтисад мәсьәләләре өсөн яуаплы хакимиәт башлыҡтары урынбаҫарҙары алып бара.
Светлана Верещагина бизнес-шерифтар эшмәкәрлегенең федераль кимәлдә юғары баһа алыуын билдәләне. Стратегик башланғыстар агентлығы республика тәжрибәһен илдең башҡа төбәктәрендә файҙаланыу өсөн тәҡдим иткән.
Бизнес менән эш итеүҙең төп сараһы – һәр муниципалитетта кесаҙна һайын үткәрелгән «Эшҡыуарлыҡ сәғәттәре». Уҙған йылда 3,2 меңгә яҡын ошондай кәңәшмә үткән. 2025 йылдан бизнес-шерифтар шулай уҡ креатив индустрияларҙы үҫтереүҙә лә әүҙем ҡатнаша.
Республикала йыл һайын бизнес-шерифтарҙың һөҙөмтәлелеге рейтингы төҙөлә. 2025 йыл йомғаҡтары буйынса ҡалалар араһында Нефтекама алдынғы тип табылған, шулай уҡ Сибай менән Ағиҙел юғары һөҙөмтәләргә ирешкән. Административ үҙәге ҡала булған райондар араһында беренсе урында Дүртөйлө булһа, икенсе һәм өсөнсө урындарҙа – Туймазы һәм Благовещен райондары. Ауыл райондары араһында иң яҡшы күрһәткестәр – Шаран, Иглин һәм Кушнаренко райондарында.
Радий Хәбиров, бизнес-шерифтар институты үҙенең кәрәклеген һәм һөҙөмтәлелеген раҫлай, тип билдәләне, шулай уҡ эшҡыуарлыҡҡа ярҙам итеү буйынса системалы эштең мөһимлеген һыҙыҡ өҫтөнә алды.
Новости партнеров
