-5 °С
Болотло
Бөтә яңылыҡтар
Яңылыҡтар
11 Март , 09:31
Тормош матурлығы татыулыҡта һәм һөйөүҙә
Сиҙәм ауылынан Әминә һәм Рамаҙан Шәриповтарҙың уңғанлығына, йүнселлегенә, ярҙамсыллығына һоҡланмау мөмкин түгел. Инде сәстәренә сал ҡуна башлаһа ла, һис тә йәш саҡтағы һылыулыҡтарын юғалтмайынса матур ғына ҡартайып барған ирле-ҡатынлы Шәриповтарҙы бер аҙға ғына булһа ла үткән ғүмерҙәренә байҡау яһатып, хәтер йомғаҡтарын һүттерҙем. Әминә һәм Рамаҙан Шәриповтар – Сиҙәм ауылының өлгөлө ғаиләләренең береһе. Әминә Зиннур ҡыҙы һәм Рамаҙан Ғөтдөс улы 32 йыл бергә бәхетле ғүмер кисерәләр. Ике балаға ғүмер биреп, уларҙы матур итеп тәрбиәләп үҫтереп, оло тормош юлына баҫтырғандар.
Тормош матурлығы татыулыҡта һәм һөйөүҙә
Әминә Зиннур ҡыҙы Мәмбәт ауылында Фәүзиә һәм Зиннур Әхмәтовтарҙың алты балалы ишле ғаиләһендә иң кесе бала булып донъяға килә. Тыуған ауылында 8-се класты тамамлағандан һуң, Сибай педагогия училищеһының башланғыс кластар факультетына уҡырға инә. Ҡулына диплом алған йәш белгесте йүнәлтмә буйынса Әҙел ауылына эшкә ебәрәләр. Ситтән тороп Стәрлетамаҡ педагогия институтының башланғыс кластар факультетын тамамлай. Алты йыл эшләгәндән һуң, тыуған ауылына ҡайтып, балаларға белем биреүен дауам итә. Ошо осорҙа тормош иптәшен Ырымбур өлкәһе Сосновка ауылы егете Рамаҙан Ғөтдөс улын осратып, 1993 йылда йәштәр ғаилә ҡоралар. Ырымбурөлкәһенә килен булып төшкәс тә һөнәренә тоғро ҡала Әминә Зиннур ҡыҙы.9 йыллыҡ ауыл мәктәбендә уҡытыусылар етмәү сәбәпле, өҫтәмә курстар үтеп, тарих дәресен дә уҡытырға бирәләр уға. 14 йыл Ырымбур өлкәһендә йәшәгән - дән һуң, 2007 йылда ғаиләһе менән Сиҙәм ауылына күсәләр.
Тулыраҡ мәҡәләне гәзитебеҙҙең 5-се һанында уҡығыҙ
Новости партнеров