Яугирҙарға тыуған яҡтан байрам күстәнәсе

"Аҡъюл ауыл халҡы махсус хәрби операцияла ҡатнашыусыларға ярҙам итеүҙә ҙур әүҙемлек күрһәтә. Ауылдың олоһо ла, кесеһе лә ихлас күңелдән был эшкә үҙ өлөшөн индерергә тырыша. Бөгөн ауылдың ҡатын-ҡыҙҙары һуғыш яланында йөрөгән яугирҙарҙы һәммәбеҙҙең дә яратып ашаған ризығы – майға күпертеп бешкән икмәк әҙерләү менән ҡыуандырырға булдылар.
Майҙа бешкән икмәк юлда боҙолмаясаҡ, ә поход шарттарында, бик туҡлыҡлы ризыҡ буласаҡ, - ти хужабикәләр.
Күптәребеҙҙең яҡындары әле алғы сафта. Аралар алыҫ булыуға ҡарамаҫтан, күңелебеҙ менән беҙ улар янында, ҡулыбыҙҙан килгәнсә ярҙам итергә тырышабыҙ.
Донъялар тыныс булыуын, егеттәребеҙ иҫән-һау әйләнеп ҡайтыуын теләй-теләй бешерҙек ризыҡты. Әҙерләгән ризыҡтарыбыҙ яугирҙарға барып етһен, ауыр минуттарҙа уларға ярҙам итһен, ризыҡтарына яҙһын, тип доғалар ҡылдыҡ.
Майға бешкән имәктән тыш ауылдаштар тәмле- татлы ризыҡтар, консервалар, шулай уҡ ойоҡбаш, эске кейем, гигиена кәрәк-яраҡтары алып килә. Бына шулай бергәләшеп әҙерләгән посылкалар һәм әйберҙәр ауылдан оҙатылды.
Яугирҙарҙы яҡынлашып килгән байрам - Ватанды һаҡлаусылар көнө менән ҡотлайбыҙ һәм күптән көткән еңеү менән ҡайтыуҙарын көтөп ҡалабыҙ!
Ауылдаштарыма ошо изге эште еренә еткереп башҡарғандары өсөн ҙур рәхмәт", - тип хәбәр итә аҡъюлдар.

Акъюловский СК