Йыһаз эшләү фабрикаһы – иң яҡшы тауар етештереүселәр иҫәбендә

Был турала Республика компетенциялар үҙәге хәбәр итә. Ойошма “Һөҙөмтәле һәм конкурентлы иҡтисад” милли проектының (“национальный проект “Эффективная и конкурентная экономика”) ”Хеҙмәт етештереүсәнлеге” проектында ҡатнаша.

Фабрикала сығарылған ике яҡлы йомшаҡ матрастар – конкурстың лауреаты, ә интерьер карауаттары еңеүсе дипломына лайыҡ булған.

“Корона”ның продукцияһын сифат һәм хәүефһеҙлек стандарттарына, ҡулланыусылар фекеренә, баҙар хаҡына һәм һатыу күләме буйынса баһалағандар. Быйыл предприятие “Башҡортостандың иң яҡшы тауарҙары” конкурсының наградаһын алғайны.

– Предприятиеларыбыҙҙың бөтә Рәсәй конкурсында еңеүе – уларҙың продукцияһының сифатын таныу ғына түгел, ә республика сәнәғәтенең өлгөрөп етеүе күрһәткесе лә. “Корона” фабрикаһы етештереүҙе яңыртып ҡороу һәм ҡулланыусыларҙың ихтыяждарын иҫәпкә алыу етештереүселәргә федераль кимәлдә лә уңышлы конкурентлылыҡ итергә мөмкинлек тыуҙырғанын асыҡ дәлилләй, – тип билдәләй БР Хөкүмәте премьер-министры урынбаҫары – сәнәғәт, энергетика һәм инновациялар министры Александр Шельдяев.

Быйылдан башлап РФ Президенты В.В. Путин ҡарары буйынса яңыртылған милли проекттар тормошҡа ашырыла.

Фото: pravitelstvorb.ru/news/27885/