Вуз-ара кампуста Фән айлығы башланды

Өфөлә Вуз-ара кампус майҙансығында Фән айлығы башланды - ул төбәктең алдынғы юғары уҡыу йорттарын, ғилми үҙәктәрен һәм ижади коллективтарын берләштергән күләмле мәғрифәтселек циклы. Ноябрь дауамында бында йәштәр фәнен үҫтереүгә, технологияларҙы һәм креатив индустрияларҙы популярлаштырыуға йүнәлтелгән тиҫтәләгән лекция, семинар, оҫталыҡ дәрестәре, форумдар һәм кино күрһәтеүҙәр үтәсәк.

 - Юғары уҡыу йорттары араһындағы кампуста фән айы - ул саралар серияһы ғына түгел, ә фән, мәғариф һәм бизнес араһында асыҡ диалог өсөн майҙансыҡ та. Фәнни эшмәкәрлектең ҡыҙыҡлы, ғәмәли булыуы һәм төбәккә һиҙелерлек файҙа килтереү мөмкинлеген күрһәтергә тырышабыҙ, - тип билдәләне Башҡортостан Республикаһының Фән һәм юғары белем биреү буйынса дәүләт комитеты рәйесе Светлана Мостафина.

Фән айлығы бөгөн, 28 октябрҙә, Кампустың 1-се ҡатында Башҡортостан дәүләт медицина университетының Асыҡ ишектәр көнө һәм тематик лекциялар, практик дәрестәр менән башланды. Беренсе көндә ҡатнашыусылар Өфө космомәктәбе етәксеһе Алексей Алликастың “Хыялдан беренсе юлдашҡа тиклем" лекцияһын тыңланы, шулай уҡ заманса белем биреү алымдары буйынса уйын практикаһында ҡатнашты.

 Алдағы аҙналарҙа Кампус Бөтә Рәсәй “Фән 0+” фестивале, Бөтә Рәсәй “Инновацион технологиялар һәм материалдарҙың фундаменталь аспекттары” ғилми-ғәмәли конференцияһы, “Импульс медиа” медиафорумы, Рәсәй акушер-гинекологтар йәмғиәте конференцияһы, төрки филологияһы ғилми форумы, фәнде популярлаштырыусылар, шул иҫәптән МФТИ профессоры Александр Райгородский һәм астрофизик Владимир Сурдин менән осрашыуҙар майҙансығына әүерелә.

Фән айы ноябрь аҙағына тиклем дауам итәсәк. Бөтә саралар студенттар, уҡыусылар һәм республика халҡы өсөн асыҡ. Расписание һылтанма буйынса  по ссылке.

 Белешмә

Евразия Фәнни-белем биреү үҙәгенең юғары уҡыу йорттары араһындағы студенттар кампусы Рәсәй Президенты ҡушыуы буйынса һәм Рәсәй Мәғариф һәм фән министрлығының «Фән һәм университеттар» милли проектын тормошҡа ашырыу сиктәрендә төҙөлә. Өфө кампусы проекты - 4,3 мең кешегә иҫәпләнгән торлаҡ биналары, уҡыу-ғилми комплексы, лабораториялары, эшлекле зоналары, магазиндары, уңайлы скверҙары һәм башҡа уңайлы ҡала мөхите объекттары булған студенттар өсөн урын.   2030 йылға илдә 25 кампустан торған селтәр барлыҡҡа килергә тейеш. Был йүнәлеш буйынса эште РФ Хөкүмәте һәм Рәсәй Мәғариф һәм фән министрлығы алып бара. Әлеге ваҡытта “Йәштәр һәм балалар” милли проекты ярҙамында 24 ошондай студент ҡаласығы проектлана һәм төҙөлә. 2036 йылға кампустар һаны 40-ҡа тиклем артасаҡ.

Беҙҙең МАХ каналына https://max.ru/gazetabashkortostan ҡушылығыҙ!

Мәғлүмәт һәм фото сығанағы: https://pravitelstvorb.ru/news/27753/