Ғәйнетдин Моталовтың яҡты иҫтәлеге Бүребай урта мәктәбендә мәңгеләштерелде

Тантаналы сарала район хакимиәте башлығы Рөстәм Шәрипов, Башҡортостан Хөкүмәте вице-премьеры, Башҡортостандың сәнәғәт, энергетика һәм инновациялар министры Шельдяев Александр Николаевич, Ғәйнетдин Моталовтың улы, медицина фәндәре докторы, профессор, Башҡортостандың атҡаҙанған табибы, Башҡортостан Республикаһының атҡаҙанған фән һәм мәғариф эшмәкәре Моталов Айрат Ғәйнетдин улы һәм Бүребай урта мәктәбенең директоры Зброя Юлия Аркадьевна ҡатнашты.

Сараның икенсе өлөшөндә Бүребай урта мәктәбендә Беренсе башҡорт дирижёры, БАССР-ҙың һәм РСФСР-ҙың атҡаҙанған сәнғәт эшмәкәре, Башҡортостандың халыҡ артисы Ғәйнетдин Хәйретдин улы Моталовтың тормош юлы һәм ижадына арналған «Маэстро Гайнетдин Муталов» китабының исем туйы үтте. Китаптың авторы Ғәйнетдин Моталовтың улы Айрат Моталов.