Һай, афарин, Хәйбулла егеттәре!

Хәйбулла районының спорт өлкәһендә мөһим ваҡиға булды! Ҡаҙағстандың Аҡтау ҡалаһында үткән егеттәр һәм ҡыҙҙар араһында әрме ҡул көрәше буйынса донъя беренселегендә "Дала Амурҙары" спорт клубы тәрбиәләнеүселәре Шайморат Абдулнасиров һәм Иҙел Ҡоҙашев Рәсәй йыйылма командаһы составында бронза миҙалдарын яуланы. Илфат Ҡоҙашев етәкселегендә шөғөлләнгән йәш спортсылар үҙҙәренең бәләкәй ватанын халыҡ-ара кимәлдә лайыҡлы күрһәтте. Ярышта 24 илдән йәмғеһе 296 көрәшсе ҡатнаша. Еңеүгә юл еңелдән булмай: балалар март айында һайлап алыу үтә һәм, йәштәштәре йәйге каникулдарҙа ял иткән осорҙа улар ныҡышмалы күнекмәләр үтә. Ябай ауыл егеттәренең бындай юғары кимәлдәге сығышы етди һынау була, улар бик яҡшы һөҙөмтә күрһәтә. Шайморат менән Иҙелде, уларҙың остазы Илфат Илдар улын ихлас ҡотлайбыҙ һәм уларға артабан да уңыштар һәм яңы сағыу еңеүҙәр теләйбеҙ!