Башҡортостан Республикаһы Башлығы премияһы тапшырылды.

"Бөрө ҡалаһында Мәғариф буйынса республика август кәңәшмәһе үтте. "Башҡортостан Республикаһының төбәк тел сәйәсәтен иҫәпкә алып мәктәпкәсә һәм дөйөм белем биреүҙә Федераль дәүләт белем биреү стандарттарын тормошҡа ашырыу" темаһы буйынса дискуссия майҙансыҡтары эшләне. " Милли мәктәпкәсә белем биреүҙең йөкмәткеһе тураһында мәсьәләләр буйынса идарасылар һәм методистар менән асыҡ һөйләшеү" түңәрәк өҫтәл ойошторолдо. Шулай уҡ, Республика профессиональ конкурсы сиктәрендә уҙғарылған "Мәктәпкәсә белем биреү ойошмаһында туған телдә белем биреүсе йыл педагогы" конкурсы лауреаты "Шатлыҡ" балалар баҡсаһының өҫтәмә белем биреү педагогы Мусина Рәмзиә Әхәт ҡыҙына Башҡортостан Республикаһы башлығы премияһы тапшырылды. Ҡотлайбыҙ! Киләсәктә лә эшегеҙҙә уңыштар, еңеүҙәр юлдаш булһын!", - тип хәбәр итәләр район мәғариф идаралығынан.