Балҡып торһон йортоң, яугир!

Балҡып торһон йортоң, яугир!

Оло Әбеш ауылы бер ваҡытта ла үҙенең батырҙарын онотмай.  Мәҙәниәт йорто, ауыл китапханаһы, ауыл биләмәһе , мәктәп хеҙмәткәрҙәре, ауылдаштары Махсус операцияла ҡатнашыусы яугир – Илһам Солтан улы Байгилдиндың  ишек алдында, йортонда өмә үткәргәндәр.“Илһам  Солтан улы  өсөнсө йыл хеҙмәт итә. Ауылдаштары йыл да күмәкләп, дәррәү  ихлас итеп өмәлә ҡатнашалар. Ишек алдын таҙалап, кәртә-ҡураһын төҙөкләндереп, өйөн матурлап ярҙам итәләр.  Яуҙа йөрөгән һалдатыбыҙ, ялға ҡайтҡанында һәр беребеҙгә  рәхмәтен еткерә. Ил һағында торған батыр  яугирыбыҙға , Байгилдин Илһам Солтан улына оло хөрмәт менән ҡарайбыҙ. Тыуған ауылында йорто, ишек алды ҡайтҡанында һәр саҡ  таҙа булһын, йылмайып, балҡып көтөп торһон. Ауылдаштарының  иғтибары уға көс-ҡеүәт бирһен! Тыуған яғына, тыуған нигеҙенә  имен-һау әйләнеп ҡайтырға насип булһын!”-тигән  теләктәр ебәрәбеҙ ти ,ауыл мәҙәниәте хеҙмәткәре  Айгөл Әминева.