Операция блогында яңы аппарат

Аҡъяр үҙәк район дауаханаһының операция блогына «Оҙайлы һәм әүҙем тормош» милли проектын тормошҡа ашырыу һөҙөмтәһендә яңы электрохирургия аппараты килде. Был заманса ҡорамалдар табиптарға операцияларҙы тағы ла һөҙөмтәлерәк һәм хәүефһеҙерәк үткәрергә ярҙам итә.

Ниндәй аппарат?
Был ҡорамал юғары йышлыҡтағы электр тулҡындары ярҙамында хирургтарға туҡымаларҙы ипләп кенә киҫергә, бер үк ваҡытта ҡан ағыуын туҡтатырға мөмкинлек бирә. Аппарат тиҙ һәм теүәл эшләй, операцияны йәрәхәтһеҙ итергә ярҙам итә.
Ни өсөн был мөһим?
– Теүәллек: табиптар бәләкәй генә киҫелеш яһай ала, был ауыртыуҙы кәметә һәм пациенттың һауығыуын тиҙләтә.
– Хәүефһеҙлек: аппарат ҡан ағыуҙы туҡтатыуҙы бик яҡшы башҡара, өҙлөгөү хәүефен кәметә.
– Тиҙ һауыға: был ҡорамалдар ярҙамында яралар тиҙерәк уңала, был инфекцияларҙан һаҡлай.
Үҙәк район дауаханаһы хирургтары был приборҙы операция ваҡытында ҡан китеү булмауы өсөн юғары баһалай. Шулай уҡ улар билдәләүенсә, операциянан һуңғы яралар тиҙ уңала, инфекция йоҡтороу хәүефе һиҙелерлек кәмей, сөнки эш барышында микроорганизмдар юҡ ителә.

– “Элепс” электрохирургия аппараты юғары йышлыҡлы энергия генераторы булып тора һәм операциялар үткәргәндә ҡулланыла. Был аппарат хирургия практикаһында ҙур һорау менән файҙалана. Операцион бүлмәләрҙә туҡымаларҙы киҫеү һәм гомеостазды тәьмин итеү өсөн радиойышлыҡлы электр энергияһы сығанағы булараҡ киң ҡулланыла. Төп тәғәйенләнеше: туҡымаларға артабан тәьҫир итеү өсөн билдәле бер формалағы һәм йышлыҡтағы ток етештереү.
Уны ҡулланыу операцияларҙы хәүефһеҙерәк, анығыраҡ һәм һөҙөмтәлерәк итә, – тип билдәләне Аҡъяр үҙәк район дауаханаһының табип-хирургы Вилнур Һәүбәнов.

Яңы аппарат «Оҙайлы һәм әүҙем тормош» милли проекты буйынса алынды, ул дауаханаларҙы заманса ҡорамалдар менән йыһазландырырға ярҙам итә. Был проект ярҙамында пациенттарға медицина ярҙамының сифаты яҡшыртыла.
Операция блогында яңы аппарат
Дауаханаға электрохирургия аппараты килтерелде
«Оҙайлы һәм әүҙем тормош» милли проектының төп маҡсаты – граждандарҙың оҙон ғүмерлелегенең яңы күрһәткестәренә өлгәшеү. 2030 йылға көтөлгән ғүмер оҙайлығын 78 йәшкә тиклем, ә 2036 йылға 81 йәшкә тиклем арттырыу планлаштырыла. Милли проект ярҙамында медицина учреждениелары яңыртыла, реабилитация системаһы камиллаштырыла, милли тикшеренеү үҙәктәре селтәре үҫешә, һаулыҡ һаҡлауҙы һанлаштырыу буйынса эш алып барыла. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла.

- Биш йыл эсендә һаулыҡ һаҡлау өлкәһен финанслауҙы бер ярым тапҡырға тиерлек арттырҙыҡ — 119 миллиард һумға тиклем. Ҙур һорау менән файҙаланған объекттар төҙөйбөҙ. Заманса медицина ҡорамалдары һатып алабыҙ. Цифрлаштырыуҙа уңыштарға өлгәштек. Беҙҙең клиникаларҙа алдынғы медицина технологиялары, ядро медицинаһы, яһалма интеллект индерелә. Юғары технологиялы хирургик операциялар үткәрелә, - тип билдәләне Башҡортостан Башлығы Радий Хәбиров.