Эҫе көндәр көтәһегеҙме, әллә ямғырмы?

Иртәгәнән үк Башҡортостанда +28 градусҡаса эҫетә, тип хәбәр итә республика синоптиктары.

Башгидромет мәғлүмәттәре буйынса, бөгөн, 27 майҙа, яуым-төшөм көтөлмәй. Ел төньяҡ-көнбайыштан, көнбайыштан талғын, көндөҙ урыны менән көсәйеүсән. Һауа температураһы көндөҙ +21, +26 градус.

Шаршамбы, 28 майҙа, яуым-төшөмһөҙ. Ел йүнәлешен үҙгәртеүсән талғын. Һауа температураһы төндә +8, +13 градус, көнсығышта +3, көндөҙ +23, +28 градус.

Кесаҙна, 29 майҙа, һауа торошо әллә ни үҙгәрмәй. Яуым-төшөмһөҙ. Ел йүнәлешен үҙгәртеүсән талғын. Һауа температураһы төндә +8, +13 градус, көнсығышта +3, көндөҙ +23, +28 градус.

https://www.bashinform.ru/news/social/2025-05-27/v-bashkirii-potepleet-do-28-gradusov-4251155