Тормош асылын хеҙмәттә күргән уҙаман

Бала сағы, үҫмер, йәшлек йылдарындағы хәтирәләре тырыш хеҙмәт менән бәйле. Бөйөк Ватан һуғышы башланғанда уға ни бары ике генә йәш була. Атаһы – Нурғәле Кинйәбаев колхозда эшләп йөрөгәндә, Бөйөк Ватан һуғышы башланып, 1941 йылда тәүгеләр рәтендә ил һағына баҫа. Быуыны ла нығынып өлгөрмәгән балалар оло быуын вәкилдәре менән еңеү көнөн яҡынайтыу өсөн бер тиң хеҙмәт иткән. Ғаяздың атаһына һуғыштан имен-һау ҡайтырға насип була. Башланғыс кластарҙы тыуған ауылында уҡыһа, артабан белем алырға Смаҡ ауылы интернат-мәктәбенә килә.

–Ҡыш айҙарында мәктәптә һыуыҡ булды, хатта бүлмәлә һыу туңа торғайны. 8-се класты тамамлағас, атайыма ҡайтып: «Мин башҡа уҡырға бармайым», –тинем. «Бармаһаң, ана, колхозға үгеҙ менән бесән ташырһың», – тип яуапланы. Шул ваҡыттан колхозда эшләй башланым. Ҡышын 3-4 малай үгеҙ егеп бесән ташыныҡ. Ҡар элек күп булды, шуға бесән күбәһен табыр өсөн ҡар өҫтөнә ятып эҙләй инек. Ҡайҙа өйөм күрәбеҙ, тимәк, шунда бесән, тип ҡарын көрәп, бесәнен тейәп алып ҡайта торғайныҡ. Эш ауыр булды, көнөнә ике тапҡыр барырға тура килде, – тип хәтирәләргә сумды әңгәмәсем.

Тулыраҡ мәҡәләне гәзитебеҙҙең 12-се һанында уҡығыҙ