Яҙ һәм наҙ байрамы

Район мәҙәниәт йортонда Халыҡ-ара ҡатын-ҡыҙҙар көнөнә арналған сара үтте. Унда махсус хәрби операцияла ҡатнашыусыларҙың ҡатындары һәм әсәйҙәре, күп балалы әсәләр һәм башҡа ҡатын-ҡыҙҙар саҡырылды.

Район хакимиәте башлығы Рөстәм Шәрипов гүзәл заттарҙы байрам менән ҡотлап үтте . Ул  5 һәм унан күберәк бала тәрбиәләгән әсәйҙәргә “Әсәлек даны” миҙалы һәм әүҙем хәйриә эшмәкәрлеге, районда ирекмәнлек хәрәкәтен үҫтереүгә индергән өлөшө өсөн бер төркөм ҡатын-ҡыҙҙарға Рәхмәт хаттары тапшырҙы.

Район ҡатын-ҡыҙҙар советы рәйесе, Ғаилә хеҙмәте етәксеһе  Динә Аҡҡужина ла гүзәл заттарҙы тәбрикләп, изге теләктәрен юлланы.

Район мәҙәниәт хеҙмәткәрҙәре һәм талантлы балаларҙың бай йөкмәткеле концерты, бүләккә бирелгән ләлә сәскәләре ҡатын-ҡыҙҙар күңеленә хуш килде.