Йәш армеецтар сафы 107кешегә артты

Һамар, Өфө, Подольск, Сиҙәм, Яңы Ергән, Оло Әбеш, Бүребай, Аҡъяр ауылдары мәктәптәренән 107 уҡыусы юнармейсылар сафына ҡабул ителде. Тантаналы марш менән бер төркөм егетҡыҙҙар линейкаға теҙелгәс, Рәсәй Федерацияһының, Башҡортостан Республикаһының һәм Хәйбулла районының флагтары сығарылды, гимндар яңғыраны. Тантаналы ант башланыр алдынан Хакимиәт башлығының социаль мәсьәләләр буйынса урынбаҫары Роза Рәсембәтова, Хәйбулла районы ДОСААФ урындағы бүлексәһе рәйесе Фаил Юлдашбаев, һауа десант ғәскәрҙәре ветераны Ризван Ҡорбанов, штаб начальнигы Таһир Ишемғолов һәм махсус хәрби операцияла ҡатнашыусылар өгөт-нәсихәт һүҙҙәре менән сығыш яһаны.Малайҙар һәм ҡыҙҙар өсөн был киләсәк мәктәбе, унда ысын характер, ҡыйыулыҡ, маҡсатҡа ынтылыш патриотизм һәм еңеүгә ынтылыш тәрбиәләнә. Сара юнармиясыларҙың хәрби гимны менән тамамланды.