Башҡортостандан махсус хәрби операцияла ҡатнашыусыларға ваҡыты үткән кредиттарын ябалар. Ул:- саҡырыу буйынса хеҙмәт үткән мобилизацияланған хәрби хеҙмәткәрҙәргә (хәрби училище курсанттарынан тыш);
- 2024 йылдың 1 декабренән хәрби хеҙмәткә контракт төҙөгәндәргә ҡағыла.
Шулай уҡ хәрби хеҙмәткәрҙең ҡатыны йә ире бурысын иҫәптән сығарта ала.
Кредитты ябыу шарттары:- контракт 2024 йылдың 1 декабренән һуң һәм кәмендә бер йылға төҙөлөргә тейеш;
- бурыс суммаһы – 10 миллион һумға тиклем;
- 2024 йылдың 1 декабренә тиклем бурысты түләтеү тураһындағы суд акты көсөнә ингән, кредит ойошмаһына башҡарма документ бирелгән йәки финанс компанияһы ғаризаһы буйынса башҡарма производство ҡуҙғатылған.
Шулай уҡ, хәрби хеҙмәткәр I төркөм инвалиды булып ҡалһа, һәләк булһа йәки суд уны һәләк булған тип таныһа, уның бурысын иҫәптән сығарырға мөмкиндәр.
❌ Ниндәй бурыс иҫәптән сығарылмай:
- икенсе кешенең ғүмеренә йәки һаулығына килтерелгән (шул иҫәптән, ғаиләне ҡараусы мәрхүм булғанда) зыянды ҡаплау;
- коррупцияға ҡағылышлы хоҡуҡ боҙоуҙарға бәйле бурыстар;
- алимент буйынса бурыстар.
📆 Махсус хәрби операцияла ҡатнашыусылар кредит каникулдары ла юллай ала. Каникулдар:
- мобилизация;
- контракт ғәмәлдә булыу;
- хәрби хеҙмәткәрҙең 180 көн өҫтәп махсус операцияла ҡатнашыу ваҡытына тиң булырға мөмкин.
Каникулдарҙы рәсмиләштереү өсөн 2024 йылдың 31 декабренә тиклем үҙеңдең банкыңа мөрәжәғәт итергә кәрәк.
Шулай уҡ түбәндәге мәғлүмәт менән танышығыҙ:
▫ ️ Өфөлә контрактсылар өсөн торлаҡ һатып алыуға ташлама тәҡдим иткән төҙөүселәр
▫ ️ Башҡортостанда бер тәҙрә режимында контракт нигеҙендә хәрби хеҙмәткә һайлап алыу буйынса «Һаҡсы» үҙәге эшләй башланы
▫ ️ Хәрби ветеран танытмаһын нисек юлларға
#Аңлатабыҙ_Башҡортостан
