Ауырыған йәки арыған хәлдә руль артына ултырырға ярамай

 Ауырыған йәки арыған хәлдә руль артына ултырырға ярамай - был юл хәрәкәтендә ҡатнашыусыларҙы хәүеф аҫтына ҡуя. Башҡортостан Республикаһы буйынса Эске эштәр министрлығының ЮХХДИ идаралығы белгестәре юлдағы хәүефһеҙлек тураһында хәтергә төшөрә.

🥱 Водителдең арығанын нисек белергә:

- Иғтибарлылыҡ һәм реакция тиҙлеге кәмей. Водитель юлдағы хәлдәргә иғтибарһыҙыраҡ була.

- Хәрәкәттәр координацияһы насарая. Водитель маневрҙарҙы ышанысһыҙ һәм көтөлмәгәнсә башҡара.

- Водитель йышыраҡ күҙ йома, уға алға ҡарап барыуы ҡыйынлаша.

- Водитель ярһыу һәм ҡыҙып бара.

- Водитель маршрутта хаталар яһай, мәҫәлән, кәрәкле боролоштарҙы үтеп китә, юл билдәләрен күҙәтеп бармай.

- Водитель муйын, арҡа йәки бил тирәһендә ауыртыу һиҙә.

 Руль артында йоҡо килеүҙе иҫкәртеү:

- Сәфәр алдынан йоҡоғоҙҙо туйҙырығыҙ. Уртаса алғанда, өлкән кеше төндә 7-9 сәғәт йоҡларға тейеш.

- Арыған йәки ауырыған кеүек булһағыҙ, руль артына ултырмағыҙ.

- Әгәр ниндәй ҙә булһа дарыуҙар ҡабул итһәгеҙ, уларҙы ҡулланғандан һуң руль артына ултырырға мөмкинме-юҡмы икәнен инструкциянан ҡарағыҙ.

- Сәфәрегеҙҙе алдан планлаштырығыҙ – машина күп булмаған юлдарҙы һайлағыҙ, пик сәғәттәрендә юлға сыҡмағыҙ.

- Юлда саҡта ваҡыты-ваҡыты менән әкренгә генә ҡуйып ритмик музыка тыңлап алығыҙ.

- Битегеҙҙе дымлы салфетка менән һөртөгөҙ йәки туҡталыштарҙа һалҡын һыу менән йыуығыҙ.

- Юлда һәр 2,5 сәғәт һайын ял итергә тырышығыҙ.

- Юлда барғанда машина салонын елләтегеҙ.

- Юлға сығыр алдынан ауыр ризыҡ ашамағыҙ – ул йоҡоға тарта.

- Әгәр йоҡоғоҙ килһә, шунда уҡ рөхсәт ителгән урында туҡтап ял итегеҙ.

#Аңлатабыҙ_Башҡортостан