Салауат Юлаев һәйкәле өсөн берҙәм тауыш бирәйек!

Өфөләге Салауат Юлаев һәйкәле 1000 һумлыҡ аҡсала һынланыуы бар. Үҙәк банк яңы аҡсала урын алыу ихтималы булған объекттар исемлеген баҫтырҙы. Унда Волга буйының 25 иҫтәлекле урыны ингән. 

1000 һумлыҡтың алғы яғында Түбәнге Новгород Кремленең Никольск башняһы буласаҡ, ә артҡы яғына ошо 25 объекттың береһе тауыш биреү юлы менән һайлап алынасаҡ.

Үҙәк банк былтыр яңы меңлек сығарғайны, әммә ундағы һүрәт менән буталсыҡ тыуҙы. Һәм эште туҡтатып торҙолар. Быйыл ул яңынан ҡарала. 

Әле банк сайтында тауыш биреү башланды. Әйҙәгеҙ Салауат Юлаев һәйкәлен еңеүсе итәйек! Тауыш бирегеҙ ошонда: https://cbr.ru/cash_circulation/simvoly-dlya-banknot/1000/

Фото: РФ Үҙәк банкы.

Автор:Гульдар Булякбаева-Бирганова