Автомобиль алам тип аҡсаһыҙ тороп ҡалған...

Автомобиль һатыусылар булып үҙҙәрен таныштырған мутлашыусылар Башҡортостанда йәшәгән 55 йәшлек ирҙе 2,5 миллион һумға алдаған, тип хәбәр иттеләр Башҡортостан буйынса Эске эштәр министрлығының матбуғат хеҙмәтенән.

Зыян күреүсе һөйләүенсә, октябрҙән ноябргә тиклем ул популяр мессенджер аша ялған һатыусылар менән телефон аша аралаша.

Реклама сайтында автомобилде һатыу һылтауы менән мутлашыусылар уны 2,444 миллион һум күсерергә күндерә.

Башта аферисттар унан „таможня хеҙмәттәре“ өсөн 300 мең һум самаһы, һуңынан тағы ла 1,5 миллион һум, ә һуңынан „һайлап алыуҙа ярҙам иткән“ өсөн 600 меңдән ашыу аҡса талап итә. Дөйөм алғанда, зыян күреүсе мутлашыусыларға 2 миллион һумдан ашыу аҡсаны онлайн-приложение аша күсерә. Әммә вәғәҙә ителгән автомобилде ир ала алмаған", - тип һөйләнеләр ведомствола.

Енәйәт эше ҡуҙғатылған.

Дөйөм алғанда уҙған ял көндәрендә республика халҡы мутлашыусыларға бөтәһе 19 миллион һумдан ашыу аҡса биргән, тип өҫтәнеләр Эске эштәр министрлығында.

Фото:Ксения Калинина (Башинформ)