Быйыл ҡар ҡасан ятыр?

Башҡортостанда икенсе әбейҙәр сыуағы бара. Йылы көндәргә ҡыуанып йөрөгән саҡта, ғалимдар республикаға ҡасан ҡыш килерен дә әйтте.

Быйыл Башҡортостанда көҙ ғәҙәти түгел. Гисметео порталы мәғлүмәттәре буйынса, октябрь башында һауа температураһы көндөҙ 15,17-гә тиклем йылы була. Дөйөм алғанда, октябрь айында һауа температураһы башҡа йылдар менән сағыштырғанда йылыраҡ булмаҡсы.

Ғәҙәттәгесә, беҙҙә ҡар 7 ноябрҙән 10-на тиклем ята. Ләкин хәҙер Башҡортостанда миҙгелдәрҙең бер нисә аҙнаға һуңлау (күсерелеү) тенденцияһы асыҡ күҙәтелә. Шулай итеп, ноябрҙең тәүге декадаһы республикала һалҡын, ләкин ҡарһыҙ башланыр.

География фәндәр кандидаты, Өфө фән һәм технологиялар университетының Тәбиғәт һәм кеше институты геологияһы, гидрометеорологияһы һәм геоэкологияһы кафедраһының өлкән уҡытыусыһы Рита Камалова мәғлүмәттәре буйынса, Башҡортостанда ҡар ҡатламы 3 ноябрҙән (Көньяҡ Урал һәм республиканың төньяғы) 20 ноябргә тиклем (Урал алдының көньяҡ өлөшө) билдәләнә. Әммә һуңғы йылдарҙа ла ноябрь температураһының үҫеше күҙәтелә, йәғни, дөйөм алғанда, ноябрь йылыта башланы. Шуға күрә ҡар ҡатламы ятыу ваҡыты һуңыраҡҡа күсерелеүе ихтимал.

Алдан хәбәр ителгәнсә, декабрҙә көндәр сағыштырмаса йылы торасаҡ. Ғалимдар декабрҙә һыуыҡтар вәғәҙә итмәй. Башҡортостан территорияһында көндәрҙең аҡрынлап йылытыу осоро дауам итә, етмәһә, был процеста күберәк үҙгәрештәр – йылы менән һыуыҡтар алмашыныуы күҙәтелә.